Apple ýapon dizaýneri Isseý Miýake bilen hyzmatdaşlykda iPhone üçin özboluşly, torly torbany ýatladýan iPhone Pocket daşlyk-haltajygyny çykardy. Aksessuaryň dizaýny modelýeriň “mata bölegi” (a piece of cloth) - dürli görnüşde göterip boljak ýönekeý, köp taraply we üýtgäp bilýän zat hakyndaky düşünjesinden ylhamlanýar.
Daşlyk neýlondan we poliesterden edilip, enjamyň göwresini gaplap duran örme gurluşy bar. Material çeýe bolup, telefonyň ekranyny torbadan çykarmazdan görmäge mümkinçilik berýär, sebäbi mata sozulyp, şekili görmäge mümkinçilik berýär.
Model iki görnüşde goýberilýär: gysga we uzyn gaýyş kemerli.
Gysga görnüşi bilege ýa-da torba dakmak üçin niýetlenendir we bahasy 149,95 dollar. Ol sekiz reňkde görkezildi: sary, mämişi, gyrmyzy, gülgüne, mawy, dok gök, goňur we gara.
Egniňden asyp götermek üçin niýetlenen uzyn gaýyş kemerlisi 229,95 dollar. Bu görnüşiň reňkleri köp däl - dok gök, goňur we gara.
