Pixar studiýasynyň resmi YouTube-kanalynda “Oýunjaklaryň taryhy 5” multfilminiň ilkinji tizer-treýleri goýberildi. Film 2026-njy ýylyň 19-njy iýunynda dünýä derejesinde çykarylar.
Gysga rolikde tomaşaçylara täze gahryman - Lilipad atly planşet hödürlendi. Bu gurbaga görnüşindäki gajet bolup, onuň peýda bolmagy tanyş gahrymanlaryň arasynda bir wagtda hem bilesigelijilik, hem alada döredýär. Lilipada "Geçmişdäki durmuşlar" filmi boýunça tanalýan aktrisa Greta Li ses berdi.
Ýorduma görä, Lilipad adaty oýunjaklar dünýäsi üçin täze howpa öwrülýär. Wudi, Bazzu, Jessi we olaryň dostlary onuň bilen düşünişmegiň we çagalaryň ünsüni paýlaşmagyň ýoluny tapmaly.
Tom Henks, Tim Allen we Joan Kýusak öz keşplerine gaýdyp geldiler. Teleýaýlym alyp baryjysy Konan O'Braýen hem ses bermäge gatnaşýar, ol Smarty atly gahrymana ses berdi. Ol çagalary okatmak üçin döredilen akylly oýunjak.
Täze bölüme “Oskar” baýragynyň eýesi Endrýu Stanton (“WALL-I”, “Nemonyň gözleginde”(“ В поисках Немо”)) we Kenna Harris dagy režissýorlyk etdi. Taslamanyň prodýuseri Lindsi Kollinz (“Men gyzarýan” (“Я краснею”)) boldy.
