Disney wideo döretmek üçin öz neýroulgamyny işe girizmegi meýilleşdirýär. Ol Disney+ ulanyjylaryna kontent döretmek mümkinçiligini berer. Bu barada korporasiýanyň ýolbaşçysy Bob Aýger maliýe ýylynyň jemi boýunça konferensiýa jaňynda habar berdi diýip, The Hollywood Reporter belleýär.
Aýgeriň aýtmagyna görä, täze tehnologiýa ulanyjylara diňe bir gysga wideolary döretmäge däl, eýsem beýlekileriň döreden materiallaryny görmäge mümkinçilik berer.
Kompaniýa eýýäm birnäçe EA kompaniýalary bilen gepleşikleri geçirdi. Olaryň ady entek belli däl. Disney intellektual eýeçilik goragyny göz öňünde tutmak bilen şertnama baglaşmak isleýär.
Mundan başga-da, Aýger Disney+ platformasyna oýun ýa-da “oýunlaşdyrylan” funksiýalaryň giriziljekdigini aýtdy. Bu mümkinçilikler Epic Games bilen hyzmatdaşlygyň netijesinde peýda bolup, Disney+-y ulanmak tejribesini has interaktiw eder.
