15–16-njy noýabrda Daşkent şäherinde Özbegistan Respublikasynyň Prezidenti Şawkat Mirziýoýewiň başlyklyk etmeginde Merkezi Aziýa döwletleriniň Baştutanlarynyň ýedinji konsultatiw duşuşygy geçiriler.
Sammite sebitiň bäş döwletiniň liderleri: Türkmenistanyň Prezidenti Serdar Berdimuhamedow, Gazagystanyň Prezidenti Kasym-Žomart Tokaýew, Gyrgyzystanyň Prezidenti Sadyr Žaparow we Täjigistanyň Prezidenti Emomali Rahmon gatnaşar. Duşuşyga şeýle hem Azerbaýjanyň Prezidenti Ilham Aliýew, BMG-niň Merkezi Aziýa üçin Öňüni alyş diplomatiýasy boýunça Sebit merkeziniň ýolbaşçysy Kaha Imnadze hem gatnaşar.
Çäräniň gün tertibine sebit hyzmatdaşlygyny pugtalandyrmagyň, ileri tutulýan ugurlarda bilelikdäki taslamalary we başlangyçlary ösdürmegiň esasy meseleleri girizildi. Döwlet Baştutanlarynyň sebit we halkara syýasatyň möhüm meseleleri boýunça pikir alyşmagyna garaşylýar.
Sammitiň netijeleri boýunça köptaraply resminamalaryň toplumynyň kabul edilmegi meýilleşdirilýär.
Yzygiderli konsultatiw duşuşyklary geçirmek başlangyjy Özbegistanyň Prezidenti tarapyndan 2017-nji ýylyň sentýabr aýynda BMG Baş Assambleýasynyň 72-nji sessiýasynda teklip edildi we şondan bäri bu format sebitiň döwletleriniň öňünde durýan wezipeleri ara alyp maslahatlaşmak üçin möhüm meýdança öwrüldi.
