Netflix “Awatar: Aang hakynda rowaýat” (Аватар: Легенда об Аанге) serialynyň üçünji möwsümini düşürmek işleriniň tamamlanandygyny mälim etdi. Işler maý aýynyň ahyrynda başlady we alty aý töweregi dowam etdi. Şol bir wagtyň özünde, üçünji möwsüm 2026-njy ýylyň başynda çykjak ikinji möwsüm bilen ugurdaş düşürildi.
Üçünji möwsüm serialyň soňy bolar – ol 2027-nji ýylyň birinji ýarymynda tamamlanar.
“Awatar: Aang hakynda rowaýat” tebigatyň dört elementini: suwy, ody, ýeri we howany dolandyrmaga ukyply bolan 12 ýaşly oglanjyk - Aang barada gürrüň berýär. Ol öz dostlary bilen ot hökümdaryna garşy söweşýär, bu hem gan döküşikli asyrlyk urşa sebäp bolýar.
Serialyň birinji möwsümi 2024-nji ýylyň fewralynda Netflix-de çykdy we üstünlikli boldy. Ol tankytçylardan garyşyk synlary (Rotten Tomatoes-de 62%) aldy, ýöne tomaşaçylar oňa 70% oňyn ses berdi. Baş keşpleri Deniel De Kim, Ken Lýun we Pol Li ýerine ýetirdi.
