HBO we Warner Bros. Television “V – diýmek Wendetta” (V — значит Вендетта) antiutopik trillerine esaslanýan serialyň üstünde işleýär. Bu barada Variety neşiri habar berýär.
Serial üçin ssenarini Pit Jekson ýazar. Prodýuserleriň arasynda DC Studios-yň ýolbaşçysy we “Supermeniň” režissýory Jeýms Gann bar.
Taslama barada giňişleýin maglumatlar entek ýok.
“V – diýmek Wendetta” Alan Mur bilen illýustrator Dewid Lloýdyň grafiki romany esasynda döredilipdi. 2005-nji ýylda režissýor Jeýms Maktigiň düşürmeginde belli film peýda boldy, onda baş gahrymanlary Natali Portman we Hýugo Uiwing ýerine ýetirdi. Film üçin ssenarini uýalar Waçowski sazlady.
Sýužet Norsefire faşist partiýasy tarapyndan dolandyrylýan antiutopik Beýik Britaniýada ýaýbaňlanýar. Bu režime garşy Gaýa Foksuň – 1605-nji ýyldaky Porohow dildüwşüginiň agzasynyň maskasynda gizlin göreşiji çykyş edýär. Ol ýaş zenan Iwi Hammodyň goldaw bermeginde hökümeti agdarmaga çalyşýar.
Ozal “V – diýmek Wendetta” filmini 2026-njy ýylda 20 ýyllygy mynasybetli daşary ýurt prokatyna gaýtadan çykarmagyň meýilleşdirilýändigi belli boldy.
