"Çokundyran atanyň" režissýory Frensis Ford Koppola "Megalopolis" epiki filmi çykdajylaryny ödemänden soň Belizedäki Coral Caye adasyny 1,8 million dollara satdy. Bu barada The Hollywood Reporter habar berýär.
Koppola filmi döretmek üçin öz jübüsinden 120 million dollar çykardy, şol sanda çakyr önümlerini satmakdan alan girdejisini hem sarp etdi. Şeýle-de bolsa, filmiň dünýädäki kassa ýygymy bary-ýogy 14,4 million dollar boldy. Režissýor beýleki gymmat bahaly zatlaryndan, şol sanda sagat ýygyndysyndan hem geçmäge mejbur boldy.
"Megalopolis" wagty doňduryp bilýän binagär (Adam Draýwer) baradaky wakany gürrüň berýär. Filmde Obri Plaza, Şaýa LaBaf, Jon Uoýt, Dastin Hoffman, Jankarlo Espozito we başgalar hem surata düşdüler. Film Rotten Tomatoes-yň 45 göterim bahasy bilen tankytçylaryň garyşyk synlaryny aldy.
