92 ýaşly amerikaly Ross Palermo dünýäde işleýän iň garry santehnik hökmünde resmi taýdan Ginnesiň rekordlar kitabyna girdi.
Palermo bu kärde tas 75 ýyl bäri zähmet çekýär. Ol 1933-nji ýylda italýan immigrantlarynyň maşgalasynda dünýä indi we orta mekdebi tamamlan badyna 1951-nji ýylda işe başlady. 1953-nji ýylda ol Koreýadaky uruş wagty goşuna çagyryldy, ýöne gullukdan soň ýene-de santehnik işine gaýdyp geldi.
Ilkibaşda ol Arco Plumbing kompaniýasynda zähmet çekdi, 1965-nji ýylda bolsa hususy R&G Plumbing, Inc. firmasyny açdy we ony kärdeşi bilen bilelikde 1990-njy ýyllara çenli dolandyrdy.
Dyz agyrysyna garamazdan, Palermo çagyrylan wagty işe gitmegini dowam etdirýär. Häzirki günde ol, esasan, köp ýyllar bäri tanyş bolan köne müşderilerine kömek edýär.
Tanyşlary Rossy hyjuwly we akýürekli adam hökmünde häsiýetlendirýär.
