Jonni Depp Çarlz Dikkensiň meşhur "Roždestwo aýdymy" powestiniň täze ekranlaşdyrylýan wersiýasynda Ebenezer Skrujyň keşbini janlandyrmaga taýýarlanýar. Paramount Pictures-iň taslamasyna "X" gorkunç trilogiýasy bilen tanalýan režissýor Ti Uest ýolbaşçylyk eder diýip, Nexus Point News habar berýär.
Variety-niň maglumatyna görä, film häzirki wagtda “Ebenezer: A Christmas Carol” iş ady bilen tanalýar. Ssenarini Nataniel Halpern ýazdy, esasy keşpleriň birini bolsa Andrea Raýzboro ýerine ýetirer. Filmiň 2026-njy ýylyň 13-nji noýabrynda çykmagyna garaşylýar.
Depp soňky ýyllarda öňki aýaly bilen kazyýet dawasyndan soň esasan garaşsyz taslamalarda çykyş edipdi. Täze film onuň “Hyýaly mahluklar: Grin-de-Wald” (2018) filminden soň uly ekrana dolanyp gelýändigini alamatlandyrýar.
Skruç baradaky hekaýat öň hem köp gezek ekranlaşdyrylypdy. Häzirki wagtda režissýor Robert Eggers hem Warner Bros. üçin öz wersiýasyny taýýarlap, onda baş keşbi Uillem Defo janlandyrýar.
Dikkensiň eseriň iň meşhur ekran wersiýalarynyň biri hökmünde Robert Zemekisiň Jim Kerri oýnan animasiýa filmi (2009) bolupdy.
