Taýwanyň Tainan şäherinde arheologlar XIX asyryň birinji ýarymynda gurlan ýollaryň böleklerini tapdylar. Tapyndynyň aýratynlygy — ýol gurluşygynda adaty materiallaryň arasynda şekeriň ulanymagydyr diýip, Taipei Times neşiri ýazýar.
Hünärmenleriň aýtmagyna görä, ýollar Sin (Çin) neberesiniň adany dolandyran döwrüne (1644–1911) degişlidir. Esasy gurluşyk materialy çig kerpiç bolan, ýöne olaryň aralyklary gap-gaç jäçleri, çerepisalar we şekerçiňrik bilen doldurylypdyr.
Taryhçylaryň pikirine görä, bu görnüşli gurluşygyň sebäbi şol döwürde sebitde şeker önümçiliginiň gaty ýokary bolmagy bilen bagly. Hatda käbir gadymy ýazgylarda tomus paslynda ýollaryň üstünde şekeriň ysyň bark urandygy hem agzalypdyr.
Tutuş gurluşyk 1836-njy ýyllara, Daoguang imperatorynyň döwrüne degişli diýip çaklanýar. Tapylan bölekler täzeden abatlanandan soň, şäheriň taryhy medeni miras taslamasyna goşular.
