Meşhur «Moana» multfilminiň çeper film görnüşindäki oýun remeýkiniň surata düşürilişi doly tamamlandy. Bu barada filmde Maui ýarym hudaýyň keşbini janlandyrýan aktýor Dueýn Jonson habar berdi.
Filmiň taýýarlyk işleri 2024-nji ýylyň noýabr aýynda başlandy. Režissýor hökmünde Tomas Keýl çykyş etdi, baş keşbi bolsa ýaş aktrisa Ketrin Laga janlandyrdy.
Döredijiler ýordumyň jikme-jikliklerini häzirlikçe açmaýarlar. Emma täze wersiýa asyl multfilmdäki ýaly esasy gahrymanlary we wakalary saklamak bilen, çeper film görnüşinde täzeden gürrüň beriljekdigi mälim edildi.
Filmiň ilkinji görkezilişiniň 2026-njy ýylyň 10-njy iýulynda bolmagyna garaşylýar.
«Moana» asylky multfilmi 2016-njy ýylyň noýabr aýynda çykypdy we “Oskar” baýragyna iň gowy doly metražly animasiýa filmi we filmiň iň gowy aýdymy ugry boýunça dalaşgär görkezilipdi.
