Lionsgate kinokompaniýasy pop sazynyň şasy Maýkl Jeksonyň durmuşyna we döredijiligine bagyşlanan köpden bäri garaşylan biografik filmiň ilkinji tizerini hödürledi. “Maýkl” filminiň premýerasy 2026-njy ýylyň 24-nji apreline meýilleşdirilýär.
Wideoda aýdymçynyň “Wanna Be Startin’ Somethin’” we “Billie Jean” aýdymlary ýaňlanýar. Şeýle-de, meşhur Aý ýöreýşi we “Thriller” wideosyna salgylanýan sahnalar görkezilýär.
Filmde baş keşbi Maýklyň hakyky ýegeni, 28 ýaşly Jafar Jekson ýerine ýetirdi. Önümçilik topary onuň meşhur daýysynyň keşbini örän gowy janlandyrýandygyny belleýär.
“Men ony taýýarlykda görenimde, demim tutuldy. Jafaryň öz merhum daýysyny janlandyrmagynda nämedir bir ajaýyplyk bar. Onuň zehini we Maýklyň obrazyny ýerine ýetirmegi başga bir derejede” – diýip, filmde sazandanyň kakasy Jo Jeksony oýnan aktýor Kolman Domingo belledi.
Şeýle-de, aktýorlar düzümine Nia Long, Maýls Teller, Lora Herrier we beýlekiler girdi. Filmiň režissýory Antuan Fukua boldy. Ssenarini “Oskar” baýragyna üç gezek dalaşgär Jon Logan ýazdy.
