Ilon Mask SpaceX-iň göni orbitada maglumat (data) merkezlerini gurmak meýilnamasyny mälim etdi. Şeýle çözgüt emeli aňyň çalt ösmegi sebäpli artýan hasaplaýyş kuwwatyna we maglumat saklaýyş zerurlygyna esaslanýar.
Bu pikir bilen ozal hem birnäçe başlangyçlar gyzyklanypdy. Mysal üçin, Google-yň öňki ýolbaşçysy Erik Şmidt bu ugurda işlemek üçin Relativity Space kompaniýasyny satyn aldy. Jeff Bezos bolsa 10–20 ýylyň dowamynda iri orbital maglumat merkezleriniň peýda boljakdygyny aýdypdy.
Maskyň sözlerine görä, SpaceX bu işi öz infrastrukturasy arkaly amala aşyryp biler:
«Starlink V3 hemralaryny ýokary tizlikli lazer aragatnaşygy bilen giňeltmek ýeterlik — we ulgam işläp başlar. SpaceX muny ýerine ýetirer» — diýip, Mask X sosial torunda ýazdy.
Orbital maglumat merkezleriniň artykmaçlyklary:
- Gün energiýasy çäksiz diýen ýaly.
- Atmosfera zyňyndylary ýok — ekologiýa taýdan arassa.
Kynçylyklary:
- Gurluşyk we hyzmat işleriniň bahasy ýokary.
- Tehniki taýdan çylşyrymly infrastruktura zerur.
Muňa diňe nazaryýet hökmünde garamaýanlaryň biri bolan Mask — onuň Starlink ulgamy eýýäm dünýäniň millionlarça ulanyjysyny internet bilen üpjün edýär. Bu bolsa kompaniýanyň uly kosmos taslamalaryny durmuşa geçirmäge ukyplydygyny görkezýär.
