2026-njy ýylyň 1-nji ýanwaryndan başlap ABŞ-nyň raýatlary Özbegistana 30 güne çenli möhlet bilen wizasyz baryp biler. Bu barada Respublikanyň Prezidentiniň administrasiýasyna salgylanyp, “Interfaks” habar berýär.
Özbegistanyň Prezidenti Şawkat Mirziýoýewiň permanyna laýyklykda, çözgüt iki ýurduň arasynda söwda-ykdysady we medeni-ynsanperwer gatnaşyklary ösdürmäge, şeýle-de syýahatçylyk alyş-çalşygyny höweslendirmäge gönükdirilýär.
Resminamada bu ädimiň halkara hyzmatdaşlygy giňeltmek we daşary ýurtly myhmanlar üçin Özbegistanyň özüne çekijiligini ýokarlandyrmak tagallalarynyň dowamy boljakdygy bellenilýär.
Şu ýylyň maý aýynda Prezidentiň syýahatçylyk akymyny artdyrmak boýunça çärelere bagyşlanan permanynda ABŞ-nyň raýatlary üçin wizasyz režimi girizmek meýilnamalary agzalypdy. Şol wagt Daşary işler ministrligine Özbegistanyň raýatlarynyň ABŞ-a girişi üçin wiza talaplaryny ýeňilleşdirmek barada amerikan tarapy bilen gepleşiklere başlamak tabşyryldy.
Mundan öň, 2021-nji ýyldan bäri ýurtda ABŞ-nyň we beýleki döwletleriň 55 ýaşa ýeten we Özbegistana syýahatçylyk maksady bilen gelýän raýatlary üçin 30 günlük wizasyz düzgün hereket edýärdi.
