Minecraft taryhda iň köp satylan wideooýun boldy. Oýun çykany bäri 16 ýylyň içinde bütin dünýäde oýunçylar 350 milliondan gowrak nusga satyn aldy diýip, Ginnesiň rekordlar kitabynyň resmi saýtynda habar berilýär.
Ilkibaşda Minecraft 2009-njy ýylda mugt synag wersiýasy hökmünde çykdy, resmi reliz 2011-nji ýylda boldy. Şondan bäri ol ýönekeý bir taslamadan dünýä medeniýetiniň bir bölegi bolan oýna öwrüldi. 2023-nji ýylyň oktýabrynda satuw 300 mln nusgadan geçdi, 2025-nji ýylyň güýzüne çenli bolsa bu netije ynamly täzelendi.
Oýnuň ekranlaşdyrmasynyň üstünligi-de pes bolmady. “Minecraft kinoda” filmi Warner Bros. studiýasynyň iň girdejili relizi boldy. Onuň dünýädäki kassa ýygymy 950 mln dollardan geçdi.
Bu netijeden ruhlanyp, Warner Bros. filmiň dowamynyň düşürilýändigini yglan etdi. Onuň premýerasy 2027-nji ýylyň 23-nji iýulyna meýilleşdirilýär.
