Resmi Godzilla Official by Toho YouTube kanalynda “Godzilla: Minus bir” filminiň dowamynyň ilkinji tizeri çykdy. Täze bölüm “Godzilla: Minus nol” adyny aldy.
Režissýor, ssenariçi we wizual effektler boýunça ýolbaşçy ýene-de birinji filmi döreden Takasi Ýamadzaki bolar. Filmiň mazmuny we çykjak senesi barada entek habar berilmeýär.
Geçenki “Minus bir” filmi 2023-nji ýylda çykyp, Toho studiýasy tarapyndan döredilen Godzilla barada 33-nji we bu gahrymanyň peýda bolýan 37-nji filmi boldy. Film Warner Bros.-yň Godzillaly we King-Kongly filmleri bilen baglanyşykly däl.
Filmiň wakasy uruşdan soňky Ýaponiýada ýaýbaňlanýar. Baş gahryman nägehan bilen ýüzbe-ýüz bolan we şikesden soňky alamatlardan ejir çekýän öňki uçarman-kamikadze boldy. Birnäçe ýyldan soň Godzilla dolanyp gelende harby topar ýurdy halas etmek üçin oňa garşylyk görkezmäge çalyşýar.
Filme Rýunoske Kamiki, Minami Hamabe, Ýuki Ýamada, Munetaka Aoki, Hidetaka Ýesioka, Sakura Ando we Kuranosuke Sasaki gatnaşdy. Film bütin dünýäde 116 mln dollar ýygnap, Godzilla barada iň girdejili ýapon filmi boldy we studiýa iň gowy effektler üçin “Oskar” baýragyny getirdi.
