Günorta Koreýada täze görnüşli ekzoskelet oturdylan ýeňil geýim — “robo-mata” bilen işlýän kostýum köpçülikleýin önümçilige taýyn edildi. Bu çözgüt Koreýanyň Maşyngurluşyk we materiallar institutynyň (KIMM) robotika boýunça Öňdebaryjy tehnologiýalar merkezinde işlendi diýip, Eurekalert habar berýär.
Täze matanyň düzümindäki süýümler diňe 10 gramm agramda bolup, 15 kilograma çenli ýük göterip bilýär. Netijede, bu geýim adamyň myşsalaryna düşýän agramy takmynan 40% azaldýar.
Bar bolan ekzoskeletler köplenç agyr we asuda däl. Koreýa alymlarynyň täze çözgüdi bolsa has ýeňil, çeýe we gündelik ulanmak üçin amatly bolar diýip bellenilýär.
Tehnologiýanyň esasy aýratynlyklary:
- Matada ýadyň garyndysy (SMA) bilen iş edýän ultra inçe aktuator simleri peýdalanyldy.
- Simleriň diametri 25 mikrometr — adam saçyndan dört esse inçe.
- Täze gurluş materialyň çeýeligini artdyrdy we önümçiligi ýönekeýleşdirdi.
Synag üçin agramy 2 kg-dan az bolan ilkinji geýilýän robot döredildi. Ol tirsegi, egniňi we bili goldaýar we gaýtalanýan hereketler wagtynda myşsa ýüküni 40% çenli peseldýär.
Şeýle-de, 840 gramlyk ýeňil egin roboty döredildi — ol myşsa distrofiýasy bolan näsaglara niýetlenýär. Seul milli uniwersitetiniň hassahanasynda geçirilen kliniki synaglar egniň herekete ukybynyň 57% artandygyny görkezdi.
Täze enjam logistikada we gurluşykda işleýän adamlaryň fiziki ýadawlygyny azaldyp biler, myşsa näsaglarynyň durmuşyny ýeňilleşdirmäge kömek eder.
