“Garagaç köçesindäki elhençlik” (Кошмар на улице Вязов) filmlerinde Freddi Krýugeriň keşbi boýunça tanalýan aktýor Robert Inglund Golliwudyň Şöhrat alleýasynda atly ýyldyz aldy. Dabara 31-nji oktýabrda, Hellouiniň öňüsyrasy geçirildi diýip, People habar berýär.
Bu dabara franşizanyň iki filminde Nensi Tompsony oýnan Hizer Langenkamp hem gatnaşdy. 78 ýaşly Inglundyň özi 100-den gowrak filmde düşdi, ýöne onuň karýerasynda iň ähmiýetlisi hut horror franşizasyna gatnaşmagy boldy.
2022-nji ýylda aktýor “Gaty geň işler” serialynyň dördünji möwsüminde peýda boldy.
Ýakynda “Garagaç köçesindäki elhençlik-3: Düýş söweşijileri” filminiň režissýory we ssenariçisi Çak Rassell franşiza dowam etdirilen bolsa, Freddiniň obrazyny Jim Kerriniň hem örän gowy janlandyryp biljekdigini aýtdy. Ol Inglundyň “ýeke-täk Freddi” bolup galýandygyny, ýöne ozal “Maska” filminde bilelikde işleşen Kerriniň hem aktýorlyk ukybynyň giňdigini belläp geçdi.
