Gaý Riçi bilen Jeýson Steýtem täze “Viva La Madness” (“Wiwa telbelik”) ekşn-trilleriniň üstünde işlär. Bu barada Variety habar berýär.
Filmiň sýužeti gizlin saklanýar. Ol 2026-njy ýylyň ýanwarynda düşürilip başlanar. Häzirki wagtda aktýorlar düzüminde diňe Steýtem resmi taýdan tassyklandy, Riçi bolsa bir wagtyň özünde ssenariçi we režissýor bolup çykyş eder.
Film J.J. Konnolliniň “Gatlama torty” (“Layer Caker”) kitabyndaky wakalary dowam etdirýän adybir romanyna esaslanýar. Bu kitap boýunça 2004-nji ýylda jenaýat trilleri düşürilipdi. Muňa garamazdan, “Viva La Madness” öňki filmiň dowamy ýa-da spin-offy bolman, aýratyn film bolar.
2001-nji ýylda neşir edilen roman Londonyň X lakamly söwdagäri barada gara komediýa bolup, onuň mazmuny jenaýatçylykdan, hapa pullardan we çylşyrymly adamzat gatnaşyklaryndan doly.
Taslamany Steýtemiň özi we prodýuser Tomas Benksi öňe sürdi. Olar filmi öz Punch Palace Productions we Lumina Studios kompaniýalary, şeýle-de Toff Guy Films studiýasy arkaly durmuşa geçirer. Steýtem we Riçi üçin bu eýýäm altynjy bilelikdäki iş bolar.
