“Matrisa” we “Jon Uik” filmleriniň ýyldyzy, kanadaly aktýor Kianu Riwz “Galpyldama” (Shiver) ylmy-fantastik filminde baş keşbi ýerine ýetirer. Bu barada The Hollywood Reporter žurnaly habar berýär.
Sýužet barada giňişleýin maglumatlar ýok. Ýöne neşiriň maglumatlaryna görä, waka ýumuş wagty Karib deňzinde jesetleriň, hakyna tutulan işgärleriň we akulalaryň arasyna düşýän kontrabandaçynyň töwereginde jemlener.
Taslamanyň awtorlary atmosferasy we dinamikasy boýunça “Galpyldamanyň” baş keşbi Tom Kruzyň ýerine ýetirmeginde Dag Laýmanyň “Geljegiň çägi” filmi bilen Bleýk Laýwliniň gatnaşmagynda “Saý” trilleriniň garyndysyna meňzejekdigini wada berýär.
Taslamanyň režissýory hökmünde Tim Miller (“Dedpul”, “Terminator: Garaňky ykbal”) çykyş eder. Prodýuser “Kingsman” franşizasynyň awtory Mettýu Won bolar, ol önümçilik bilen Marv Films studiýasy arkaly meşgullanar. Filmiň ýene bir prodýuseri Aaron Raýder bolar. Film üçin ssenarini Ien Şorr ýazdy.
