Netflix-de “Jadygöý” (The Witcher / Ведьмак) serialynyň dördünji möwsümi çykdy. Sekiz bölümiň hemmesi 2025-nji ýylyň 30-njy oktýabrynda elýeterli boldy.
Täze möwsümde ilkinji gezek Riwiýadan Geraldyň keşbini Liam Hemswort ýerine ýetirdi. Aktýor ilkinji üç möwsümde gahrymany oýnan Genri Kawilli çalyşdy.
Netflix dördünji we bäşinji möwsümleriň jemleýji boljakdygyny tasssyklady. Olar Anjeý Sapkowskiniň kitaplaryna esaslanýan wakany tamamlamak üçin bir wagtda düşürildi.
Aktýorlar düzümine Anýa Çalotra (Ýennifer), Freýýa Allan (Siri) we Joi Beti (Lýutik) gaýdyp geldi. Iki bölek bolup çykan üçünji möwsümden tapawutlylykda, bu gezek ähli bölümler tomaşaçylara göni hödürlendi.
Sýužet Yklymdaky urşy dowam etdirýär: Geralt täze duşmanlar bilen ýüzbe-ýüz bolup, Sirini goramak üçin garaşylmadyk tarapdarlary gözleýär. Netflix has dartgynly sahnalary, täze ýerleri, şeýle-de güýçli duýgulary wada berýär.
Möwsümiň çykan güni ilkinji synlar peýda bolup başlady. Tankytçylaryň pikirleri dürli boldy. Käbirleri Kawilliň Hemswort bilen çalşylmagynyň asla duýulmaýandygyny we täze aktýoryň Geraltyň häsiýetini özüçe berip bilendigini belleýär. Beýlekiler bolsa bu pikir bilen düýbünden ylalaşmaýar. Metacritic-de möwsümiň ortaça baly 100-den 66 boldy, bu ikinji möwsümiň derejesi bilen deňdir.
Netflix Siriniň gatnaşmagynda adybir topar barada “Alakalar” mini-film-spin-offuny hem çykardy. Onuň dowamlylygy 1 sagat 20 minut. Reliz uly bildiriş etmezden boldy.
