«Bir gezek ... Golliwudda» («Однажды… в Голливуде») filminiň dowamynyň «Kliff Butuň başdan geçirenleri» («Приключения Клиффа Бута») diýen at bilen Netflix-de 2026-njy ýylyň tomsunda çykmagyna garaşylýar. Bu barada Variety habar berýär.
Režissýor Dewid Finçer filmi Kwentin Tarantinonyň ýazan ssenarisi esasynda surata düşürýär.
Şeýle-de, Bred Pitt ýene-de kaskadýor Kliff Butuň keşbine dolanar. Bu keşp oňa öň «Oskar», «Altyn globus» we BAFTA baýraklaryny getiripdi. Filmdäki wakalar 1977-nji ýylda, asyl filmiň wakalaryndan sekiz ýyl soň bolup geçýär. Ýakynda düşürilen suratlara görä, gahryman indi murtly çykyş eder.
Surata düşürmek işleri Los-Anjelesiň Haýlend-Park sebitinde, Highland Theater kinoteatrynyň töwereklerinde dowam edýär. Bu ýerde 1970-nji ýyllaryň atmosferasyny döretmek üçin retro elektronika, butikler we gözellik salonlary bilen degişli bezegler gurlupdyr.
Filmiň operatory — Finçer bilen «Mank», «Ganhor» we «Aň awçysy» («Охотник за разумом») ýaly taslamalarda işleşen Erik Messerşmidt.
«Kliff Butuň başdan geçirenleri» Finçeriň Netflix üçin işleýän üçünji filmi bolar.
