Collider neşiri ähli döwürleriň iň gowy 20 içaly filminiň sanawyny neşir etdi. Saýlawa 1920-nji ýyllaryň ahyryndan şu güne çenli surata düşürilen filmler girizildi.
Sanawda birinji orny Şon Konneriň baş keşbi janlandyrmagyndaky Jeýms Bond hakyndaky üçünji film — “Goldfinger” («Голдфингер») (1964) eýeledi. Maglumata görä, film franşizanyň nusgawy formulasyny şöhlelendirýär: 007 agenti dünýä ykdysadyýetini durnuksyzlaşdyrmaga synanyşýan jenaýatçy bilen göreşýär. Collider-iň pikirine görä, bu film bondly filmleriň hil derejesiniň esasy görkezijisine öwrüldi. Düzüjiler bu filmde “ähli zat ýerinde” diýip belläp geçýärler.
Ikinji orny Alfred Hiçkogyň “Demirgazyk-Günbatar boýunça demirgazyga” («На север через северо-запад», 1959), üçünji orny Kerol Ridiň “Üçünji adam” («Третий человек», 1949) filmi eýeledi. Ilkinji bäşlige Florian Henkel fon Donnersmarkyň “Başgalaryň durmuşy” («Жизнь других», 2006) we Žan-Pýer Melwiliň “Kölegeleriň goşuny” («Армия теней», 1969) filmleri hem girdi.
Sanawdaky iň täze film Stiwen Spilbergiň 2025-nji ýylyň martynda çykan “Gara çemodan — goşa howp” («Чёрный чемодан — двойная игра») filmi boldy.
Sanawa şeýle hem “Mançžuriýaly dalaşgär” («Маньчжурский кандидат», 1962), “Onuň Alyhezretleriniň gizlin gullugynda” («На секретной службе Её Величества», 1969), “39 basgançak” («39 ступеней», 1935), “Bornuň şahsyýeti” («Идентификация Борна», 2002), “Içalylar” («Шпионы», 1928) we başga birnäçe eser girizildi. Iň gowy 20-ligi Stiwen Spilbergiň “Mýunheni” «Мюнхен», (2005) tamamlaýar.
