Airbus, Leonardo we Thales kompaniýalary özleriniň kosmos bilen bagly bölümlerini birleşdirmek barada özara düşünişmek Ähtnama gol çekdiler. Bu ädim Ýewropanyň kosmos bazaryndaky ornuny güýçlendirmäge, aýratyn-da häzirki wagtda bu pudakda agalyk edýän SpaceX bilen bäsleşmäge gönükdirilendir.
Täze bileleşigiň döredilmeginiň Ýewropa düzenleşdirijileri tarapyndan tizleşdirilen tertipde tassyklanylmagyna garaşylýar – adaty 3 ýylyň ýerine, takmynan 1 ýylda. Kompaniýalar birleşen kärhananyň işini 2027-nji ýyla çenli ýola goýmagy meýilleşdirýärler.
Üç kompaniýa hem öň hemralar, harby tehnologiýalar we aragatnaşyk enjamlary boýunça işleýärdi. Emma täze tehnologiýalaryň ösüşi we gaýtadan ulanylýan raketalaryň peýda bolmagy öňki iş usullarynyň girdejililigini peseltdi.
Birleşdirilen gurluşyň ýyllyk dolanyşygy takmynan 6,5 milliard ýewro we takmynan 25 müň işgär bolar. Paýlar şeýle bölünýär:
- Airbus — 35%
- Leonardo — 32,5%
- Thales — 32,5%
Kompaniýalar ýakyn wagtda kärdeşler arkalaşygy bilen gepleşiklere başlar. Häzirlikçe zawody ýapmak meýilleşdirilmeýär, ýöne geljekde optimizasiýa müňlerçe iş ornuna täsir edip biler.
