Hulu akym hyzmaty meşhur serial bolan “Türmeden gaçyşlygyň” (Prison Break) — täze görnüşiniň üstünde işleýändigini resmi taýdan yglan etdi diýip, The Hollywood Reporter habar berýär.
Täze taslama asyl serialdaky ýaly bir älemde geçer. Baş gahrymanlar hökmünde türme sakçysy, tussag we kongresmen çykyş ederler. Bu keşpleri Emili Brauning (“33 betbagtlyk”), Lukas Geýj (“Eýforiýa”) we Dreýk Rojer (“Winçesterler”) ýerine ýetirerler.
“Maýýanlylar” serialy bilen tanalýan Eljin Jeýms täze dörediljek serialyň şouranneri bolup bellenildi. Çykjak senesi entek yglan edilmedi.
Asylky "Türmeden gaçyşlyk" serialy 2005–2017-nji ýyllar aralygynda Fox teleýaýlymynda efire berlipdi. Ol öz döwründe “Altyn globus” baýragyna mynasyp bolup, “Emmi” baýragyna hem dalaşgär görkezilipdi.
