Lionsgate kinostudiýasy “Açlyk oýunlary: Orak möwsüminiň säheri” (Голодные игры: Рассвет жатвы) filmi üçin açyk kastingiň ýeňijisini yglan etdi. Filme Floridadan aktýor we režissýor Dewon Singlteri gatnaşar.
Ol Bleriň – Heýmitç Abernatiniň we Berd Ewerdiniň ýakyn dostunyň, Kitnissiň kakasynyň keşbini ýerine ýetirer. Singlteri taslama gatnaşmagyň “uly mertebedigini” aýdyp, “Açlyk oýunlary” franşizasynyň köpden bäri muşdagydygyny belledi.
Ol filme gatnaşmak mümkinçiligini studiýanyň maýda başlan uly göwrümli onlaýn kastinginden soň gazandy. Gatnaşyjylar kinosagada gowy gören böleginden sahna, aýdym ýa-da improwizasiýa görkezmelidi.
Sýuzanna Kollinziň romanyna esaslanan täze “Orak möwsüminiň säheri” filmi asyl hekaýatdan 25 ýyl öňki wakalar barada gürrüň berer. Sýužet 50-nji “Açlyk oýunlaryna” ünsi jemlär, bu ýerde ýaş Heýmitç Abernati ilkinji gezek meýdança çykar.
Filmiň režissýory franşizanyň öňki bölümlerini düşüren Frensis Lorens bolar. Aktýorlar düzümine Glenn Klouz, Kiran Kalkin, El Fanning, Reýf Faýns, Maýýa Houk, Billi Porter, Jessi Plemons we beýlekiler girdi.
Filmiň premýerasy 2026-njy ýylyň 20-nji noýabryna meýilleşdirilýär.
