“Science of Scare” britan taslamasy iň gorkunç filmleriň täzelenen reýtingini hödürledi. Hünärmenler tomaşa wagty adamlaryň pulsuny ölçäp, haýsy horror filmleriň olarda uly gorky döredýändigini kesgitledi diýip, Forbes ýazýar.
Gözlegiň netijesinde iň gorkunç horror ýene-de “Sinister” boldy. Alymlar bu filmiň eýýäm birnäçe ýyl bäri reýtingde öňdebaryjylygy saklaýandygyny belleýär.
Ilkinji bäş orun 2023-nji ýyldan bäri üýtgemedi. Ýöne “Ýylgyryş” filminiň dowamy birinji bölümden öňe geçip, ýedinji orny eýelemegi başardy.
Hünärmenleriň aýtmagyna görä, täze elhençlik filmleri XXI asyryň başyndaky filmler ýaly tomaşaçylarda o diýen güýçli reaksiýa döretmedi.
Iň gorkunç filmleriň ilkinji onlugy:
- “Sinister” (Синистер)
- “Astral: Onlaýn” (Астрал: Онлайн)
- “Paranormal hadysalar. Skinamarink” (Паранормальные явления. Скинамаринк)
- “Astral” (Астрал)
- “Doga” (Заклятие)
- “Reinkarnasiýa” (Реинкарнация)
- “Ýylgyryş 2” (Улыбка 2)
- “Ýylgyryş” (Улыбка)
- “Emili Rouzyň alty jyny” (Шесть демонов Эмили Роуз)
- “Iki, üç, melgun, gel!” (Два, три, демон, приди!)
