Türkmenistanyň Bilim ministrliginiň Innowasiýa maglumat merkezi gysga möhletleýin dil okuwlarynyň diňleýjileri üçin Janly tebigatyň milli muzeýine gezelenç gurady. Dynç alyş möwsüminde geçirilen bu çäre dil öwrenýän ýaşlaryň dünýägaraýşyny giňeltmäge gönükdirildi.
Gezelenje Innowasiýa maglumat merkeziniň koreý, iňlis, rus we arap dili okuwlarynda bilim alýan mekdep okuwçylary gatnaşdylar. Okuwçylar haýwanat dünýäsiniň köpdürlüligini öwrenip, muzeýiň eksponatlary bilen tanyşdylar.
Guramaçylaryň bellemgine görä, şeýle çäreler okuwda alnan nazary bilimleri amaly taýdan utgaşdyryp berkitmäge mümkinçilik berýär. Çünki okuwçylar haýwanat dünýäsine degişli okuwda öwrenen bilimlerini janly tebigy şertlerde tejribe üsti bilen berkitmäge mümkinçilik aldylar.
Janly tebigatyň muzeýine gezelenç mekdep okuwçylary üçin diňe bir bilim beriji bolmak bilen çäklenmän, eýsem, dynç alyş döwründe gyzykly wagt geçirme hem boldy.
