Prezident Serdar Berdimuhamedow Awstriýa Respublikasynyň Federal Prezidenti Aleksandr Wan der Bellene Awstriýa Respublikasynyň Milli güni mynasybetli mähirli gutlaglaryny we iň gowy arzuwlaryny iberdi.
Gutlagda bellenilişi ýaly, Türkmenistanyň Prezidenti Birleşen Milletler Guramasynyň Baş Assambleýasynyň 80-nji sessiýasynyň çäklerinde Awstriýa Respublikasynyň Prezidenti bilen geçirilen duşuşygy ýakymly duýgular bilen ýatlaýar.
Döwlet Baştutany şeýle hem iki ýurduň arasynda özara düşünişmek we ynanyşmak esasynda ýola goýlan gatnaşyklaryň yzygiderli ösýändigini bellemek bilen, hyzmatdaşlygyň mundan beýläk-de pugtalandyryljakdygyna ynam bildirdi.
Prezident Serdar Berdimuhamedoe mümkinçilikden peýdalanyp, Prezident Aleksandr Wan der Bellene tüýs ýürekden berk jan saglyk, bagtyýarlyk, Awstriýanyň halkyna bolsa parahatçylyk, abadançylyk hem-de rowaçlyk arzuw etdi.
Awstriýa Respublikasynyň Milli güni 26-njy oktýabrda bellenilip geçilýär we 1920-nji ýylda ýurduň Konstitusiýasynyň kabul edilmegine bagyşlanýar.
