Redmi öz täze flagmanynyň aýratyn görnüşini – Redmi K90 Pro Max Champion Edition smartfonyny hödürledi. Bu wersiýa Lamborghini Squadra Corse ýaryş bölümi bilen bilelikde döredildi.
Onuň adaty modelden aýratynlygy Lamborghini superkarlarynyň dizaýnyndan ylham alan korpusy boldy. Yzky panel markanyň firma logotipi bilen bezeldi, kamera blogy bolsa sport awtomobilleriniň aerodinamiki çyzyklarynyň stilinde ýerine ýetirildi.
Smartfon eksklýuziw gutuda hödürlenýär, onda “awtomobil” stilinde daşlyk we zarýad adapteri hem bar. HyperOS 3.0 operasion ulgamynyň interfeýsi hem şol äheňde ýerine ýetirildi.
Tehniki taýdan Champion Edition adaty Redmi K90 Pro Max-y gaýtalaýar: Snapdragon 8 Elite Gen 5 prosessory, 6,9 dýuýmlyk OLED displeýi, 100 Wt çalt we 50 Wt simsiz zarýad alyş bilen 7560 mA/sag sygymly akkumulýator, şeýle-de IP68 ülňüsi boýunça gorag.
Kamera 50 Mp Light Hunter 950 sensoryna we bäş esse optiki zum bilen teleobýektiwe eýe boldy. Hili ýitirmezden 10 esse zum hem elýeterli.
“Çempion” görnüşi 16 GB we 1 TB ýat bilen hödürlenýär. Onuň bahasy 5299 ýuana (takmynan, 770 dollar) barabar.
