Apple-iň eplenýän displeýli ilkinji planşeti 2029-njy ýyldan ir çykmaz diýip, Bloomberg habar berýär.
Ilkibaşda kompaniýa ony 2028-nji ýylda hödürlemegi meýilleşdiripdi, ýöne taslama tehniki kynçylyklar bilen ýüzbe-ýüz boldy. Agentligiň maglumat çeşmelerine görä, inženerler eplenýän displeýiň agramy we konstruksiýasy bilen bagly meseleleri çözüp bilmedi. Işläp taýýarlama 18 dýuýmlyk paneller bilen üpjün edýän Samsung Display Co. bilen bilelikde alnyp barylýar.
Insaýder Mark Gurman Apple-iň eýýäm planşetiň prototipini döredendigini habar berdi. Ýygnalan görnüşde ol MacBook noutbugyny ýada salýar, açylan görnüşde bolsa klawiaturasyz 13 dýuýmlyk MacBook Air-e meňzeýär. Prototipiň agramy 1,6 kg ýetýär we kompaniýa muny artykmaç hasaplap, ony azaltmak isleýär.
Gurmanyň aýtmagyna görä, Apple eplenýän iPad-yň bahasyny, takmynan, 3000 dollar diýip hasaplady. Bu 1299 dollarlyk 13 dýuýmly iPad Pro-dan iki esse gymmatdyr. Ýokary baha uly eplenýän OLED displeýiniň ulanylmagy bilen baglanyşdyrylýar. Eger gerekli şaýlaryň bahasy peselmese, taýýar gurluşyň bahasy 4 müň dollara-da ýetip biler.
Ozal Gurman Apple-iň sensor ekranly noutbugy taýýarlaýandygyny habar berdi. Kompýuter M6 prosessorynda işlär we 2027-nji ýyldan gijä galman çykarylar.
