Oktýabr aýynyň soňky ýekşenbesinde Türkmenistanda Türkmen alabaýynyň baýramy giňden belleniler. 23-nji oktýabrda geçirilen Hökümet mejlisinde wise-premýer T.Atahallyýew baýram mynasybetli geçiriljek çärelere görülýän taýýarlyk barada hasabat berdi.
Baýram mynasybetli sergi, halkara ylmy maslahat, Halkara “Türkmen alabaý itleri” assosiasiýasynyň V mejlisi, şeýle hem “Ýylyň türkmen edermen alabaýy” atly halkara bäsleşigiň jemleýji tapgyry guramaçylykly geçiriler.
Prezident Serdar Berdimuhamedow wise-premýere Türkmen alabaýynyň baýramy mynasybetli dabaraly çäreleri ýokary derejede geçirmegi tabşyrdy.
