2025-nji ýylyň 25-nji oktýabryndan 2026-njy ýylyň 12-nji apreli aralygynda Rim şäherindäki Kapitoliý muzeýiniň Palazzo dei Conservatori zallarynda «Türkmenistanyň gadymy siwilizasiýalary» atly sergi geçiriler. Italiýaly tomaşaçylara ilkinji gezek Margiana we Parfiýa gadymy medeniýetleriniň arheologik tapyndylary görkeziler.
Sergi Türkmenistanyň günorta-gündogarynda ýerleşýän taryhy Margiana (b.e.öň III–II müňýyllyk) hem-de Türkmenistanyň merkezi-günortasyndaky Nusaý arheologik toplumyndan (b.e.öň II asyr – b.e. I asyr) tapylan gadymy Parfiýa eksponatlaryny birleşdirýär.
Bu eksponatlar Türkmenistanyň Döwlet medeniýet merkeziniň Döwlet muzeýi tarapyndan berilýär we gadymy medeniýetleriň ýokary hünärmentçilik derejesini görkezýär.
Sergi Rim şäheriniň häkimiýeti, Rim şäheriniň medeniýet müdirligi we Kapitoli medeni miras müdirligi tarapyndan Italiýanyň Daşary işler we halkara hyzmatdaşlyk ministrligi hem-de Türkmenistanyň Medeniýet ministrligi bilen hyzmatdaşlykda guralýar.
Taslamanyň hyzmatdaşlary hökmünde «Zètema Progetto Cultura», «ISMEO» (Ortaýer deňzi we Gündogar boýunça halkara ylmy birleşik), «CRAST» (Turiniň Ýakyn Gündogarda we Aziýada arheologik gözlegler merkezi) we Turin uniwersiteti çykyş edýärler.
