Germaniýanyň Heimplanet kompaniýasy “dünýäde iň berk ekspedisiýa çadyry” hökmünde tanadylan Mavericks Blue Ice modelini görkezdi diýip, New Atlas ýazýar.
On adama niýetlenen bu çadyr sagatda 180 kilometre çenli ýele çydamly. Ol suw geçirmeýän, diýseň berk matadan ýasalan we daşky tarapy romb görnüşli çişirilýän pürslerden durýar. Şeýle gurluş ony adaty çadyrlardan has durnukly edýär.
Iki taraplaýyn pol nasoslarynyň kömegi bilen iki adam bir wagtda çadyr bilen işleýär — ony doly çişirmek üçin bary-ýogy 5–10 minut gerek.
Mavericks Blue Ice-nyň beýikligi 195 sm, meýdany 13 m², agramy bolsa 25 kg. Toplumyň düzümine gazyklar, aýrylyp-goýulýan pol, tanap, abatlaýyş toplumy we ýörite torba girýär.
Täze modelde öňki görnüşlerden tapawutlylykda, silikon-poliuretan gatlakly poliester mata ulanylyp, onuň ýyrtylmaga garşy durnuklylygy güýçlendirilipdir. Şeýle hem çadyryň şweýleri has berkleşdirilip, howa aýlanyş ulgamy we üçek gurluşy kämilleşdirilipdir – indi güýçli ýel ýa-da ýagyş mahalam içerde rahat mikroklimat saklanýar.
Mavericks Blue Ice-yň bahasy — 6439 dollar (Ýewropada 5599 funt). Öndürijiniň sözlerine görä, bu çadyr iň kyn howa şertlerinde hem ekspedisiýalara amatly we hatda tupan wagtynda-da howpsuzlyk hem rahatlyk üpjün edýär.
