Dünýäde Ýeriň tekizdigine ynanýan adamlar häli-häzirem ýeterlik. Pikir soraşmalara görä, diňe ABŞ-nyň özünde 2022-nji ýylda ýaşaýjylaryň 11%-i şeýle pikirdedi. Reddit ulanyjylarynyň biri öz garažynyň wideo gözegçilik kamerasyny ulanyp, olaryň pikirini üýtgetmek kararyna geldi.
Gizmodo neşiriniň habar bermegine görä, erkek adam tutuş bir ýyllap garažynyň salýan kölegesini ýazga alyp, soňra bu kadrlardan taýmlaps döretdi. Wideoda kölege burçunyň kem-kemden üýtgäp, ýerde sekizligiň şekilini suratlandyrýandygy görünýär. Bu hereket analemma – egri çyzyk bolup, ol ýylyň dowamynda günüň bellibir wagtynda syn etseň, Günüň asmanda ýerini üýtgedýändigini görkezýär.
Şeýle ýagdaý Ýeriň okunyň 23,5° gyşarmagy we Ýeriň Günüň daşynda elliptik orbita boýunça aýlanmagy sebäpli ýüze çykýar. Şu sebäpli asmanda Günüň beýikligi her gün sähel üýtgeýär: tomusda Gün ýokarda, gyşda pesde bolýar, bu hem sekizligiň şekilini döredýär.
Awtoryň düşündirişi ýaly, eger Ýer tekiz bolan bolsa, kölege göni çyzyk boýunça hereket edip, uzynlygyny we ýagdaýyny hiç haçan üýtgetmezdi.
