Redmi Turbo 5 smartfony 2026-njy ýylyň birinji çärýeginde Hytaýda tanyşdyrylar diýlip garaşylýar. Bu barada Hytaýyň radio enjamlaryny sertifikasiýalaşdyyrş platformasynyň maglumatlaryna we Digital Chat Station atly insaýderiň paýlaşan maglumatlaryna görä aýdylýar.
Halkara bazaryna çykanda bu modeliň Poco X8 Pro ady bilen çykmagy mümkin.
Täze enjam tekiz, burçlary biraz egreldilen OLED displeý we 1,5K durulyk bilen geler. Barmak yzy skaneri indi displeýiň içine ornaşdyrylan ultrasesli görnüşde bolar — bu öňki Redmi Turbo 4 modelindäki optiki skaner bilen deňeşdirilende ep-esli ösüşdir.
Modeliň esasy aýratynlygy — 9000 mA·s göwrümli batareýa we 100 watt tiz zarýad goldawy bolar. Dizaýn öňki minimalistik stili saklar, korpus bolsa IP68/69 derejesindäki suwdan doly gorag bilen üpjün ediler.
Smartfonyň Dimensity 8500 Ultra prosessor ulgamynyň esasynda işlemegi garaşylýar. Bu ulgam Reno 15 Pro bilen bilelikde noýabr aýynda ilkinji gezek görkeziler.
Digital Chat Station mundan öň Redmi K50 we Xiaomi 12 modelleriniň aýratynlyklaryny we çykarylyş senelerini öňünden dogry çaklapdy.
