Hytaýyň Deep Robotics kompaniýasy DR02 atly gumanoid robotyny tanyşdyrdy. Bu robot çylşyrymly senagat we köçe şertlerinde işlemäge ukyply. Onuň korpusy IP66 standartyna laýyklykda suwdan we tozandan goragly, bu robotyň ýagyşly, tozanly we ýokary çyglylyk şertlerinde işläp bilmegine mümkinçilik berýär.
Robotyň iş temperaturasy -20°C-den +50°C çenli bolup, bu ony açyk meýdanlarda, sowadyjy ammarlarda we ýokary temperaturaly sehlerde ulanmaga mümkinçilik berýär.
DR02-niň boýy 175 sm, göterip bilýän agramy 20 kg-a çenli, her eli bilen göterip bilýän agramy 10 kg. Robot 1,5 m/s tizlik bilen hereket edýär, zolaklary we 20° çenli ýapgytary geçip bilýär. Onuň korpusynda daşky gurşawdan maglumat ýygnamaga niýetlenen sensorlar we 275 TOPS kuwwatly kompýuter ulgamy bar.
Deep Robotics robotyň elini we aýaklaryny çalt çalyşmak mümkinçiligini göz öňünde tutup, abatlamak işini ýeňilleşdirdi we iş wagtyny azaldýar. Häzirlikçe robotyň awtonom iş wagty, bir zarýad bilen iş wagty we bahasy mälim edilmedi. Şeýle-de bolsa, goragly gurluşy DR02-ni beýleki gumanoid robotlaryň arasynda tapawutlandyrýar we synag senagat programmalary üçin geljekdäki taslama hökmünde möhüm edýär.
