Netflix ulanyjylara gös-göni Smart TV telewizorlarynda wideo oýunlaryny oýnamaga mümkinçilik berer. Bu barada Bloomberg Screentime konferensiýasynda kompaniýanyň baş direktorlarynyň biri Greg Piters habar berdi.
Birinji tapgyrda bäş oýun elýeterli bolar:
- LEGO Party!
- Boggle Party
- Pictionary: Game Night
- Tetris Time Warp
- Party Crashers: Fool Your Friends
Oýunlary ýekelikde ýa-da dostlaryň bilen oýnamak mümkin. Dolandyryjy hökmünde smartfon ulanyp bolýar — munuň üçin ekrandaky QR koduny skanirlemek ýeterlik. Başda ähli oýunlar mugt bolar.
Pitersiň sözlerine görä, telewizorlarda oýunlaryň çykarylyşy Netflix-iň ösüş başlangyçlarynyň biri bolup durýar. Ol öň käbir kino we tele kompaniýalaryň wideo oýunlar bazaryna girmegi synanşandygyny, ýöne netije gazanmandygyny belledi.
