“Zalym: Baky” (Злая: Навсегда) fentezi-mýuzikli 2025-nji ýylda petekleriň satylyp başlanan ilkinji güni satuw boýunça rekord goýdy. Bu barada Fandango serwisi habar berýär.
Film görkezijiler boýunça “Supermen”, “Arwahlary ýok ediji” ýaly uly premýeralardan öňe geçdi. Mundan başga-da, film taryhda petekleriň deslapky satuwlarynyň ilkinji güni gazanylan girdeji boýunça ahyrky “Ar alyjylar”, “Ýyldyz söweşleriniň” ýedinji bölümi we “Möý adam: Öýe ýol ýok” bilen bir hatarda iň girdejili filmleriň onlugyna girdi.
Şol bir wagtyň özünde, takyk sanlar getirilmeýär.
Filmiň dowamynyň global premýerasy 2025-nji ýylyň 21-nji noýabryna meýilleşdirilýär.
“Zalym” “Oz ýurdunyň jadygöýi” filminiň resmi däl prikwelidir. Waka Oz ýurdunyň ýaşaýjylarynyň jadyly başarnyklary sebäpli gaça durýan ýaşyl jadygöýi Elfaba (Sintiýa Eriwo) barada gürrüň berýär. Elfaba häkimiýetden gizlenýärkä, onuň jorasy Glinda (Ariana Grandeniň ýerine ýetirmeginde) halkyň söýgüsine mynasyp bolýar.
Filmiň režissýory bolup Jon M. Çu çykyş etdi. Film Gregori Maguaýryň 1995-nji ýyldaky romanyna we 2003-nji ýyldaky adybir brodweý mýuzikline esaslanýar. 2024-nji ýylda çykan birinji bölüm prokatda 756 mln dollar gazandy.
