Ledi Gaga “Melgun Prada geýýär” (Дьявол носит Prada) filminiň dowamynyň düşürilişine gatnaşar. Variety neşiriniň habar bermegine görä, aýdymçy 2006-njy ýylyň meşhur komediýasynyň dowamynyň düşürilýän ýeri bolan Milanda göründi.
Konsert tertibiniň doludygyna garamazdan, Gaga aýdym-saz çykyşlary bilen filmlere düşmek işini bilelikde alyp barmaga ýetişýär. Ýakynda ol Londondaky “O2 Arenada” dört konsert berdi, tiz wagtdan bolsa Stokgolmda çykyş eder.
“Melgun Prada geýýär-2” filmindäki keşp aýdymçy üçin prokatda şowsuz bolan “Joker: Iki adamlyk telbelik” (Джокер: Безумие на двоих) filminden soň kinoda ilkinji uly işi bolar. Şu ýyl ol Netflix-iň “Uensdeý” serialynda kameoda hem peýda boldy.
Ikinji bölümiň sýužeti boýunça, moda žurnalynyň baş redaktory Miranda Pristli çap metbugatynyň çökgünligi bilen ýüzbe-ýüz bolýar. Onuň öňki kömekçisi Emili indi kaşaň brende ýolbaşçylyk edýär we hut onuň mahabat býujeti Pristliniň žurnalyny halas edip biler.
Taslamanyň üstünde birinji bölümdäki şol bir topar işleýär: režissýor ýene-de Dewid Frenkel bolar, ssenarini Alin Broş MakKenna ýazdy, prodýuserler bolup Wendi Faýnerman we Karen Rozenfelt çykyş edýär.
Öz keşplerine Meril Strip, Enn Heteueý, Emili Blant we Stenli Tuççi gaýdyp gelýär. Şeýle-de, aktýorlar düzümine Lýusi Lýu, Jastin Teru, B.J.Nowak we Polin Şalame goşuldy.
