Germaniýada çykarylan “Kerpiç” (Brick) trilleri garaşylmadyk ýagdaýda Netflix-iň öňdebaryjy filmleriniň birine öwrüldi. Iýulda premýerasy bolany bäri film 61,7 mln tomaşa ýygnap, tomaşaçylary 103,8 mln sagatlap ekranyň öňünde saklady.
Film eýýäm Netflix-iň taryhynda iň meşhur iňlis dilli däl filmleriň ilkinji onlugynda dokuzynjy orny eýeledi. Relizden soň ilkinji günler film hatda platformanyň täze filmleriniň çartynda iň meşhur bolmagy başardy.
Režissýor we ssenariçi Filipp Koh filmde, “Kub” (1997) we “Platforma” (2019) filmlerinde bolşy ýaly, üzňelik meselesine ýüzlenýär.
Köp öýli jaýyň ýaşaýjylary birden ähli çykalgalaryň syrly kerpiç diwary bilen ýapylandygyny görýär. Baş gahrymanlar – IT hünärmeni Tim we binagär Oliwiýa öýden çykmaga we şol bir wagtyň özünde öz gatnaşyklaryny çözmäge çalyşýar.
Täjirçilik üstünligine garamazdan, tankytçylar filmi sowuk garşylady. Ol Rotten Tomatoes saýtynda tankytçylardan 46%, tomaşaçylardan bolsa bary-ýogy 24% oňyn ses aldy.
