Leonardo Di Kaprio BBC neşiri bilen söhbetdeşlikde yzygiderli gaýtalap tomaşa etmäge taýýar filmleri barada aýtdy. Onuň sanawynda ýedi film bolup, olardan aglabasy dünýä kinematografynyň klassyk filmleri diýlip ykrar edildi.
Aktýor italýan neorealizminiň režissýor Wittotio De Siki tarapyndan düşürilen “Welosiped ogrulary” (Похитители велосипедов / 1948) filmini, şeýle-de Ýasudziro Odzunyň “Tokio kyssasy” (Токийская повесть / 1953) ýapon dramasyny belledi.
Mundan başga-da, aktýoryň gowy görýän filmleriniň arasynda şular bar – Stenli Kubrigiň “2001-nji ýylyň kosmos odisseýasy” (Космическая одиссея 2001 года / 1968), Alfred Hiçkokyň “Başaýlanma” (Головокружение / 1958), doganlar Koenleriň “Uly Lebowski” (Большой Лебовски / 1998), şeýle-de Martin Skorsezeniň iki nusgawy işi – “Gowy oglanlar” (Славные парни / 1990) we “Taksi sürüjisi” (Таксист / 1976) filmleri.
Di Kaprio özi üçin kinonyň döredýän atmosferasynyň möhümdigini belledi.
“Gowy kino döretmek örän kyn, ýöne tomaşaçylar birleşip, gahrymanlaryň ýolunda olara duýgudaşlyk bildirer ýaly etmek ondanam kyn” – diýip, aktýor aýtdy.
