Mars eýýäm Snickers, Milky Way, Twix, Bounty, M&M’s we Whiskas ýaly dünýäde tanalýan birnäçe brendleriň eýesi bolup durýar. Indi kompaniýa öz “gol astyna” Pringles-i hem almak kararyna geldi.
Amerikan kompaniýasy Pringles, Pop-Tarts we Kellogg’s brendlerine eýelik edýän Kellanova kompaniýasyny satyn almak üçin Ýewropa Bileleşiginiň rugsadyny alar. Söwda geleşiginiň bahasy 36 milliard dollar diýip, Reuters çeşmelerine salgylanyp habar berýär.
Bu soňky ýyllarda senagatdaky iň iri birleşmelerden biri hasaplanýar.
ABŞ-da bu geleşik öňünden kesgitlenen hiç hili şert goýulmazdan tassyklanyldy. Emma Ýewropa Komissiýasy ozal bu birleşmegiň bahalaryň ýokarlanmagyna we Mars-yň mazalylyk bazaryndaky täsiriniň artmagyna sebäp bolup biljekdigine alada bildiripdi. Häzirki wagtda bolsa düzgünleşdiriji edaralar kompaniýadan ýeňillik talap etmek üçin ýeterlik esas görmeýärler. Ýewropa Bileleşiginiň resmi karary 19-nji dekabra çenli çykmagyna garaşylýar.
NielsenIQ-nyň synçylarynyň bellemegine görä, geleşik tamamlanandan soň birleşen kompaniýa ABŞ-nyň süýji we snek ( çipsi, kraker ýaly önümler) bazarynyň takmynan 12%-ine eýelik eder.
