Beýhaý portunda (Hytaýyň günortasyndaky Guansi Çžuan awtonom sebiti) 16 MWt kuwwaty bolan dünýäniň iň uly ýüzýän deňiz ýel generatoryny gurnamak işleri tamamlandy. Turbina “Üç jülge” bendi taslamasy bilen tanalýan China Three Gorges Corporation tarapyndan işlenip düzüldi.
Diametri 252 metr bolan turbinanyň rotory ululygy boýunça ýedi futbol meýdançasyna deňdir. Gurmana her ýylda takmynan 44,7 GWt·s elektrik energiýasyny öndürer diýlip garaşylýar, bu 4000 hojalygy tok bilen üpjün etmäge ýeterlikdir.
Turbina reduktorlaryndan başlap, urganlara we balast ulgamlaryna çenli tutuş ulgam Hytaýda öndürilýär. Bu ýurduň gaýtadan dikeldilýän energiýada tehnologiki garaşsyzlyga ygrarlydygyny görkezýär.
Turbina Hytaýyň ilkinji ýary suwa çümüp durýan dinamiki balast ulgamly platformasynda oturdyldy. Onuň üç sütüni ýel turan we tolkun bolan ýagdaýynda gurluşy durnukly saklamak üçin suwuň derejesini awtomatiki sazlaýar.
Gurluş ýakyn wagtda synagdan geçirmek we elektrik toruna birikdirmek üçin 50 metrden gowrak çuňluga çekiler.
Global Energy Monitor-yň maglumatlaryna görä, Hytaý 2025-nji ýylyň ilkinji alty aýynda 4,4 GWt deňiz ýel gurluşlarynyň kuwwatyny artdyrdy, bu bolsa tutuş geçen ýylkydanam ýokarydyr. Ýurt 2060-njy ýyla çenli doly uglerod bitaraplygyny gazanmak boýunça ägirt uly maksadyna ýetmek ugrundaky ýolunda ynamly hereket edýär.
