Lionsgate studiýasy “Jon Uik” franşizasynyň samuraý filmi bilen western žanrynyň elementlerini birleşdirjek täze spin-off-yny taýýarlaýar.
Ssenariniň üstünde o diýen belli bolmadyk ssenariçi Ostin Ewerett işleýär. Sýužet barada maglumatlar gizlin saklanýar.
“Jon-Uigiň” eýýäm bir taýýar spin-off-y bar: şu ýyl Ana de Armasyň baş keşbi ýerine ýetirmeginde “Balerina” filmi çykdy. Onda Kianu Riwziň janlandyrmagynda Jon Uik hem peýda boldy. Häzir “Jon Uik 4-den” Donni Ýeniň gahrymany Keýn barada aýratyn film, şeýle-de Jonuň “ýerine ýetirip bolmajak ýumşy” barada anime-prikwel, “Jon Uik: Beýik stoluň aşagynda” serial-sikweli we “Jon Uik 5” işlenip taýýarlanýar.
Ewerette uly umyt bildirilýär. Onuň eýýäm birnäçe taslamasy bar. 2010-njy ýyllaryň ahyrynda ol Jozef Ekertiň çap edilmedik “Syýahatçy” romanyny uýgunlaşdyrdy – ssenariý 2021-nji ýylyň iň gowy durmuşa geçirilmedik taslamalarynyň “Gara sanawyna” girdi, onuň bilen Paramount gyzyklandy. Filmi ýola goýujy bolup Li Aýzek Çun çykyş eder.
Şeýle-de, Ewerett “Akiýa” horroryny ýazdy we ony özi düşürmek isleýär. Bu arwahly taşlanan öýi satyn alan asly ýaponiýaly gyz baradaky wakadyr.
