“Ümsüm ýer-3” horror filminiň relizi 2027-nji ýylyň 9-njy iýulyndan 30-njy iýulyna süýşürildi. Bu barada Deadline habar berýär.
Täze senede filmiň entek prokatda bäsdeşi ýok.
Jon Krasinki franşiza režissýor, ssenariçi we prodýuser hökmünde gaýdyp gelýär, ýöne sýužet we aktýorlar düzümi entek gizlin saklanýar.
Franşiza 2018-nji ýylda başlady. Krasinski birinji filmi we 2020-nji ýylda onuň dowamyny düşürdi, ikisinde-de baş keşbi Emili Blant ýerine ýetirdi.
Üçünji film barada 2025-nji ýylda çykarmak meýilnamasy bilen 2022-nji ýylda mälim edildi, ýöne munuň deregine Paramount studiýasy “Birinji gün” prikwelini çykardy. Film 2023-nji ýylyň iň meşhur filmleriniň biri boldy.
Täze filmiň ýene Ebbott maşgalasynyň wakasyny gürrüň bermegine garaşylýar. Prodýuser Bred Fuller “Ümsüm ýer-3-üň” üstünde Krasinskiniň başga taslamany tamamlan badyna işlenip başlanjakdygyny habar beripdi.
