Ýaponiýanyň dolandyryjy Liberal-demokratik partiýasynyň başlygy wezipesine 64 ýaşly Sanae Takaiti saýlandy. Parlament tarapyndan onuň dalaşgärligi tassyklanandan soň, ol premýer-ministr bolar – ýurduň taryhynda ilkinji gezek bu wezipäni aýal eýelär diýip, The Japan Times ýazýar.
Saýlawlar iki tapgyrda geçdi, çünki birinjisinde hiç bir dalaşgär sesleriň aglabasyny ýygnap bilmedi. Takaiti 183 ses, oba hojalygy ministri Sindziro Koidzumi 164 ses aldy. Ikinji tapgyrda Takaiti 185 ses, Koidzumi 156 ses aldy.
Sanae Takaiti Kobe uniwersitetini we Masusita döwlet dolandyryş we menejment institutyny tamamlady. Ol 1987-nji ýylda grant bilen ABŞ-a göçdi we kongres agzasy Patrisiýa Şrederiň edarasynda işledi. 1989-njy ýylda Ýaponiýa gaýdyp geldi, 1993-nji ýylda bolsa ilkinji gezek parlamentiň aşaky palatasyna saýlandy.
Ol hökümete degişli bolmadyk “Nippon Kaýgi” konserwatiw we milletçilik guramasynyň agzasy we sintoizm mukaddesliklerini dikeltmek we ahlak terbiýesini ösdürmek boýunça parlament konferensiýasynyň başlygynyň orunbasarydyr.
Sanae Takaiti bu wezipede LDP üçin şowsuz gutaran iýul aýyndaky parlament saýlawlaryndan soň işden giden Sigeru Isibanyň ornuny çalşar.
