“Kesgir gaşlary” (Острые козырьки) döreden Stiwen Naýt ilkinji serialyň gönüden-göni dowamy boljak täze serialyň üstünde işläp başlady. Variety neşiriniň ýazmagyna görä, serial Netflix we BBC platformalarynda çykar.
Waka 1953-nji ýylda Birmingemde ýaýbaňlanar. Ikinji jahan urşundaky partlamalardan weýran bolan şäher dikeldiş döwrüni başdan geçirýär. Şelbi maşgalasy uly göwrümli dikeldiş bilen baglanyşykly gurluşyk işlerinde güýje eýe bolmak üçin göreşiň merkezinde bolar.
Täze taslama her biri alty bölümden ybarat iki möwsüme niýetlenýär. Ilkibaşdaky serialda baş keşbi janlandyran Killian Mýorfi ýerine ýetiriji prodýuser bolup çykyş eder.
“Kesgir gaşlar” serialy 2013-nji ýyldan bäri çykdy we 2022-nji ýylyň aprelinde alty möwsümden soň tamamlandy. Geçen ýylyň dekabrynda doly metražly film hem düşürilip tamamlandy, onuň premýerasy 2026-njy ýyla meýilleşdirilýär. Onuň wakalary XX asyryň başlarynda Birmingemde bolup geçýär. Filmde Killian Mýorfi ýene Tommi Şelbiniň keşbini ýerine ýetirdi. Aktýorlar düzümine Stiwen Grem, Tim Rot, Rebekka Fergýuson, Barri Keogan, Sofi Randl, Ned Dennehi, Paki Li we Ien Pek gatnaşdy.
