ChatGPT-ni döreden OpenAI kompaniýasy dünýäde iň gymmat hususy kompaniýa öwrüldi diýip, Bloomberg habar berýär. Gürrüň döwletiň ýa-da döwlet edaralarynyň gözegçiliginde bolmadyk we hususy maliýeleşdiriş arkaly maýa goýumlaryny ýygnan kompaniýalar barada barýar.
OpenAI-niň 500 milliard dollarlyk täze bahasy häzirki we öňki işgärleri tarapyndan 6,6 milliard dollarlyk paýnama satylandan soň gazanyldy. Satyn alyjylar Thrive Capital, SoftBank Group, Dragoneer Investment Group, MGX we T. Rowe Price.
Kompaniýa öň 2025-nji ýylyň başynda SoftBankyň ýolbaşçylygyndaky maliýeleşdiriş tapgyrynda 300 milliard dollar bahasyna eýe bolupdy.
Ondan ozal iň gymmatly hususy kompaniýanyň ady Ilon Maskyň Raketa we kosmos kompaniýasy bolan SpaceX-sine degişlidi, onuň gymmaty 400 milliard dollar diýip bahalandyrylýar.
OpenAI emeli aň tehnologiýasyny işläp taýýarlamakda dünýäde öňdebaryjydyr. Maý aýynda kompaniýa täjirçilige geçmejekdigini we telekeçilik däl guramanyň ýolbaşçylygynda galjakdygyny mälim etdi. Şeýle-de bolsa, OpenAI-iň häzirki wagtda has adaty söwda modeline geçmek mümkinçiligi barada Microsoft bilen gepleşik geçirýändigini habar berdi diýip, Bloomberg ýazýar.
