Halkara Robototehnika federasiýasynyň hasabatyna görä, 2024-nji ýyla çenli Hytaýda, takmynan, 300 müň senagat roboty gurnaldy, bu dünýäniň ähli ýurtlarynyň bilelikde gurnanyndan hem köpdür. Umuman alanyňda, häzirki wagtda Hytaýyň zawodlarynda şeýle maşynlaryň 2 milliondan gowragy işleýär.
Ýurt 2015-nji ýylda hökümet “Hytaýda öndürilen 2025” kampaniýasyny başlanda we döwlet maýa goýumlaryny goşmak bilen, senagata goldaw beriş gaznalaryny döreden mahaly giň gerimli awtomatlaşdyryşa girişipdi. Şondan bäri robot gurnamagyň depgini ýylsaýyn ýokarlanýar we 2017-nji ýyldan bäri ýylda 150 müňden geçýär.
Bu ädimleriň netijesinde Hytaý häzirki wagtda dünýäde ähli senagat önümleriniň üçden birine golaýyny öndürýär we ABŞ, Germaniýa, Ýaponiýa, Günorta Koreýa we Beýik Britaniýa bilen deňeşdirilende ep-esli öňe geçýär. Deňeşdirmek üçin, Ýaponiýada 2024-nji ýylda 44 000 robot gurnaldy, ABŞ bolsa 34 000 robot bilen üçünji orunda durýar.
Hytaýda täze maşynlaryň köpüsi häzirki wagtda ýerli önüm bolup durýar (5-den 3-si), ozal import maşynlar agdyklyk edýärdi. Häzirki wagtda Hytaýyň zawodlarynda ABŞ-daka garanyňda bäş esse köp robot işleýär.
